Departman Lagrikiltir i reponn kestyon Komite Finans ek Kont Piblik |09 May 2025
Departman Lagrikiltir i reponn kestyon Komite Finans ek Kont Piblik
ÌýPar Patrick Joubert
Departman Lagrikiltir dirize par son sekreter prensipal Keven Nancy, ti devan Komite Finans ek Kont piblik (FPAC) dan Lassanble Nasyonal yer bomaten pour reponn serten kestyon baze lo rapor ki Oditer Zeneral in fer konsernan bann anomali dan sa departman.
Sa sesyon ti pe gide par tyermenn FPAC, lider lopozisyon Sebastien Pillay. Sete manm sa komite, Onorab Richard Labrosse, ki ti ganny responsabilite pour demann bann kestyon lo sa rapor oditer. Premye kestyon ti konsern en rekonsilyasyon dan diferans en larzan ki pa ti balanse avek sa ki ti kot trezor an 2022 ki ti en sonm apepre R9.4 milyon.