Kominike Lapolis |27 August 2025
En zonm i noye dan lanmer Port Launay
听
En zonm 59-an sorti Port Launay, in prezimen noye dan lanmer Port Launay tar Lendi swar. Lapolis ti ganny alerte lo sa lensidan ver 9er 20 diswar pour lasistans.
Dapre rapor inisyal, sa defen tin vin pran en bennmer routin. Apre ki son fanmir pa ti鈥檔 vwar li retourn kot lakaz a ler, parey son labitid, zot ti al esey rod li lo lans. A en moman donnen zot ti vwar li dan lanmer pa pe reazir. I ti plitar ganny sertifye mor sirplas par patolozis lapolis.
Lapolis in konmans en lanket dan sa ka, an atandan rezilta letopsi pour etabli sirkonstans otour son lanmor. Departman Lapolis i senpatiz avek manm fanmir sa defen.
听
*
听
Car Park Gymnasium i fermen ozordi
听
Manm piblik pe ganny enformen ki car park Gymnasium pou konpletman fermen ozordi Merkredi le 27 Out 2025, pour en zournen antye. Motoris pe ganny konseye pour servi lezot car park alternativ dan lavil.
Departman Lapolis i regret okenn lenkonvenyans ki sa i kapab koze e pe kont lo zot sipor.