Festival Kreol |18 October 2025
Marius Pillay, gran gannyan pour kategori 9 a 13-an
Zenn i demontre zot talan artistik dan legzibisyon Zenn Artis Kreolofonn
Ìý
Zenn artis Seselwa in ganny rekonpanse pour zot partisipasyon dan konpetisyon Zenn Artis Kreolofonn ki’n fer yer bomaten kot Carrefour des Arts, anvil. ÌýSa konpetisyon anyel i deroul pandan mwan Oktob pour selebre Festival Kreol.
Dan sa konpetisyon organize par Komite Festival Kreol ek Konsey Nasyonal pour Lar ek Lartizana, bann zenn artis in demontre zot talan dan lar vizyel e dan artizana. Konpetisyon i target zenn laz 4-an a 21-an. Bann zanfan ti bezwen montre kwa ki zot konpran par sa tenm ‘Gardyen nou leritaz’. Ti annan kat kategori, e le trwa meyer dan sak in ganny rekonpanse.