Labank MCB Sesel i fer en donasyon anver Festival Kreol |18 October 2025
Pour komemor Karantyenm Festival Kreol, labank Mauritius Commercial Bank in fer donasyon en sonm R86,000 avek komite Festival Kreol reprezante par Lenstiti Nasyonal pour Kiltir, Leritaz ek Lar pandan en pti seremoni yer bomaten kot son lofis Caravelle House.
Sa labank in toultan siport Festival Kreol ki swa son legzibisyon lar ou konpetisyon kiltirel. Sa lannen, son sipor in ganny agrandi pour enkli ‘rakontaz’, kot apepre 70 zanfan ti ganny sans ekout zistwar rakonte par de dimoun aze pandan lasemenn. Apard sa labank Mauritius Commercial Bank (MCB) pe siport legzibisyon lar ki’n konmanse depi le 16 Oktob e pou reste ouver ziska le 31 Oktob, ‘Vilaz Kreol’ depi le 24 ziska le 31 Oktob, e en benn pou pe zwe lanmizik kreol kot ‘Caravelle House’ le 24 Oktob ek Eden Island le 30 Oktob. Labank pe osi ofer trofe ek pri larzan pour ‘Lafoli Lanmod’ ki pe deroul tanto.